Алматыда жаңа жыл қарсаңында эпидемиологиялық жағдай қандай болмақ

Алматының бас санитарлық дәрігері жаңа жылдық мерекелер қарсаңында эпидемиологиялық жағдайға болжам жасады, деп хабарлайды Azattyq Rýhy.

«Науқастар қатары көп болады деген болжам жоқ. Бірақ ревакцинация уақыты жақындап қалды. Егер вакцинациялау қарқыны төмен болса, науқастар қатары өсуі мүмкін. Тәулігіне 600 жағдайға дейін жетуі мүмкін. Мұның бәрі вакцинацияға және шектеу шараларының сақталуына байланысты», - деді Бекшин.

Ол желтоқсан айының соңына қарай күніне 600 жағдай жақсы сценарий екенін атап өтті. Ал нашар сценарий коронавирустың жаңа штамы пайда болғанда ғана мүмкін. Себебі осыған дейінгі ауру толқыны жаңа штамдардың шығуымен байланысты болған.