Қазақстанда коронавирус пен пневмониядан бір тәулікте 34 адам қайтыс болды

Қазақстанда бір тәулікте коронавирус пен КВИ белгілері бар пневмониядан 34 адам қайтыс болды деп хабарлайды Денсаулық сақтау министрлігінің баспасөз қызметі.

7 қарашадағы мәлімет бойынша, қайтыс болған 32 адамда коронавирус инфекциясы ПЦР-тест арқылы расталған. Ал, үш адамда коронавирустық пневмония белгілері бар болғанымен, КВИ тест арқылы анықталмаған.

9 қарашаға дейінгі жағдай бойынша Қазақстанда коронавирустан 39 705 адам емделіп жатыр (34 414 КВИ+ және 5 291 КВИ-). Олардың 7 317-сі ауруханада, 32 388-і үй жағдайында емделіп жатыр.

КВИ+ және КВИ- жұқтырған науқастар арасында:

• 520 науқастың жағдайы ауыр;
• 144 науқас аса ауыр халде жатыр;
• 110 науқас ӨЖЖ аппаратына қосылған.