Алексей Цой қысқа мерзімді демалысқа кетті

Денсаулық сақтау бірінші вице-министрі Марат Шоранов Денсаулық сақтау министрлігінің басшысы Алексей Цой Үкімет отырысына неліктен қатыспағанын түсіндірді, деп хабарлайды Azattyq Rýhy.

«Алексей Владимирович демалыста. Оның келесі дүйсенбіге дейін бір апталық қысқа мерзімді демалысы бар», – деді Марат Шоранов.

Айта кетейік, 4 қарашада Үкімет отырысында Қазақстандағы эпидемиологиялық жағдай туралы Алексей Цойдың бірінші орынбасары Марат Шоранов есеп берді.

Вице-министр Үкімет отырысынан кейінгі БАҚ өкілдеріне берген жауабында 8-14 қараша аралығында Қазақстанға Pfizer вакциналарын жеткізу күтіліп отырғанын мәлім еткен болатын.