Қазақстанда коронавирус пен пневмониядан 37 адам қайтыс болды

Қазақстанда 2 қарашада коронавирустық инфекциядан (КВИ+) және COVID-19 белгілері бар пневмониядан (КВИ-) 37 адам қайтыс болды, деп хабарлайды Azattyq Rýhy ҚР Денсаулық сақтау министрлігінің баспасөз қызметіне сілтеме жасап.

КВИ-ден 29 адам, коронавирустық пневмониядан сегіз адам қайтыс болды.

2020 жылғы 13 наурыздан бастап республикада 12 181 адам коронавирустық инфекциядан қайтыс болды. Өткен жылдың 1 тамызынан бастап COVID-19 белгілері бар пневмониядан 5057 адам қайтыс болды.

3 қарашада коронавирустық инфекцияның 1 396 жаңа жағдайы анықталды. 

Соңғы тәулікте Қазақстанда COVID-19 ауруының 944 501 жағдайы тіркелді, 894 468 адам қалпына келді.

2 қарашада COVID-19 белгілері бар пневмонияның 109 жағдайы тіркелді және 162 адам емделіп шықты. Республикада барлығы 79 948 коронавирустық пневмония жағдайы анықталды, 69 346 адам сауығып шықты.

4 қарашадағы жағдай бойынша 43 397 адам COVID-19-дан (37 852 КВИ+ және 5 545 КВИ-) емделіп жатыр.

Стационарларда 7 710 пациент, амбулаториялық деңгейде 35 687 пациент бар. 

КВИ+ және КВИ - мен ауырғандардың ішінде:

• ауыр халде – 520 пациент,
• аса ауырлық дәрежесінде – 162,
• өкпені жасанды желдету аппаратында – 102.