ДДСҰ: Әлемде ковидтен қайтыс болғандар саны 8 пайызға өсті

Өткен аптада әлемде 3 миллионнан астам адам коронавирус инфекциясын жұқтырды, 50 мыңнан астам адам көз жұмды. Инфекция жұқтырудың жаңа жағдайларының саны жеті күнде 3%-ға, ал көз жұму көрсеткіштері 8%-ға артты, деп хабарлайды 24.kz арнасы.

Жаңа деректердің шамамен 60%-ы Еуропаның үлесінде.

 ГФР Денсаулық сақтау министрлігінің басшысы пандемияның төртінші толқыны туралы мәлімдеді. Германияның Денсаулық сақтау министрі Йенс Шпан оны «вакцинацияланбаған пандемия» деп атады. Шпан үдеткіш вакцинацияның жеткіліксіз қарқынына шағымданды. Оның айтуынша, әзірге Германияда тек 2 миллион адам бустерлік вакцина алған.

Ал Үндістан Премьер-министрі «Есіктен есікке» вакцинация науқанын өткізуді талап етті. Нарендра Моди округтік билікті COVID-19 вакциналары туралы ақпаратты таратуға және елдің шет аймақтарында вакциналардың зияны туралы тарап жатқан қауесеттермен күресуде жергілікті діни көшбасшылардың көмегін пайдалануға шақырды.