1-5 қаңтарда ауа райы қандай болады – синоптиктер болжамы

Жаңажылдық демалыс күндері, яғни 2020 жылдың 1-5 қаңтар аралығындағы ауа райына қатысты синоптиктер өз болжамдарын жариялады, деп хабарлайды Azattyq Rýhy  «Қазгидромет» РМК хабарламасына сілтеме жасап.

«Атлантикадан және Жерорта теңізінен ығысатын атмосфералық фронттармен қар, бұрқасын, екпінді батыс желі болады. Сондай-ақ, республикамыздың оңтүстік облыстарында көктайғақ болғанымен, ауа температурасы төмендей қоймайды», - делінген хабарламада. 

Сонымен қатар, Жаңа жыл түнінде солтүстік, орталық және шығыс өңірлерде ауа температурасы жоғарылап, күндіз  көптеген аймақтарда 0-8 градус аяз, оңтүстікте 0-10 градус жылыны болады.