Алдағы демалыс күндері ауа райы жылы болады — «Қазгидромет»

«Қазгидромет» РМК алдағы демалыс күндеріне арналған ауа райы болжамын жариялады, деп хабарлайды Azattyq Rýhy.

Синоптиктердің хабарлауынша ауқымды антициклон Қазақстан аумағына өз ықпалын тигізуін жалғастыруда. Бүкіл республика бойынша құрғақ, жылы ауа-райы қалыптасады.

Елдің батыс бөлігінде ғана циклон шұңқырының әсерінен жаңбыр жауады деп болжанып отыр.

«Еліміздің батысы мен оңтүстігінде болса желдің күшеюі, шаңды дауыл болады деп күтілуде. Күндіз республиканың батысында, солтүстік-батысында ауа температурасының негізгі фоны 12....22 жылуды, республиканың солтүстігінде, шығысында және орталығында 13...20 жылулықты, елдің оңтүстігінде, оңтүстік-шығысында 13....23 жылуды құрайды», - делінген хабарламада.