ШұғылЕлімізде коронавирустың таралу қарқыны бәсеңдеді

Елордаға жыл сайын 6-7 мың камера орнатылады

Жол апатынан өлім-жітім 60%-ға төмендеді

Фото: ашық дереккөзден

Нұр-Сұлтан қаласының әкімі Алтай Көлгінов «Хабар» телеарнасына берген сұхбатында елорданың қауіпсіздігі мен цифрландырылуын қамтамасыз ету туралы айтты, деп хабарлайды қала әкімдігінің ресми сайты.

Әкімнің айтуынша, қазір «Smart City» тұжырымдамасын жүзеге асыру бойынша белсенді жұмыстар жүргізілуде.

«Жыл сайын жаңа жобалар пайда болады. Мәселен «Сергек» жүйесі туралы айтатын болсақ, жыл сайын біз 6-7 мың камерадан орнатамыз. Егер бұрын әр қиылыста бір полиция қызметкері тұрған болса, қазір олар жоқ. Тұрғындар тәртіпті болды: олар бұзушылықты тіркейтін бейнебақылау камерасы бар екенін біледі. Осы жобаның арқасында қалада қылмыс 30%-ға, жол апатынан өлім-жітім 60%-ға төмендеді», - деді Алтай Көлгінов.

Пандемия және коронавируспен күрес қазақстандықтардың өміріне әсер еткені сөзсіз. Бірі COVID-19-бен ауырмас үшін санитарлық талаптарды сақтайды, екпе алып, қауіпсіздік шараларын сақтайды, ал енді бірі коронавирустық инфекцияға қарсы күрестің біреуін де елемейді. Олар Ashyq жүйесіне де шағымданады.

«Бұл жүйе де жетілдірілуде. Сынды объективті түрде қабылдау керек деп ойлаймын. Біз Мемлекет басшысының тапсырмасына сәйкес геопорталмен жұмыс істейміз, яғни қаланың цифрлық қосарлығын жасаймыз. Барлық инженерлік желілер цифрландырылды. Жалпы ұзындығы 15 мың км. 

Қазір жобалау сатысында біз үйлерде, яғни кіреберістерде — қауіпсіз кіреберіс пен аулада камералар орнатуды жоспарлап отырмыз. Біз бұл жобаны дамытып жатырмыз. Барлық мектептер мен балабақшалар бақылау камераларымен қамтамасыз етілген. Бұл балалардың қауіпсіздігі үшін. Жыл сайын қаншама бақылау камералары орнатылады, олар қылмысты ашуға, алдын алуға, жұртшылықты тәртіпке келтіруге қаншалықты көмектеседі. Мұның қаншалықты маңызды екенін түсінеміз», — деп жауап берді елорда әкімі.