Ауыр атлетикадан Қазақстан чемпионаты мәресіне жетті

Қызылордада ауыр атлетикадан 2007 жылға дейін және одан кіші спортшылар арасында Қазақстан Республикасының чемпионаты аяқталды, деп хабарлайды Prosports.kz.

Аталған ел біріншілігіне Қазақстанның түкпір-түкпірінен 238 спортшы қатысып, өзара мықтыны анықтады. 

Жарыс қорытындысы бойынша жасөспірім ұлдар арасында жалпыкомандалық есепте Қызылорда облысының құрамасы топ жарды. Алматы облысы екінші орынға жайғасса, Түркістан облысы үшінші орынды қорытындылады. 

Ал жасөспірім қыздар арасында Алматы облысы көш бастаса, Қызылорда облысы күміске, ШҚО өкілдері қоланы қанағат тұтты.