Мемлекеттік кірістер комитеті төрағасының орынбасары тағайындалды
Ол еңбек жолын заң кеңесшісі қызметінен бастаған
ҚР Қаржы министрінің бұйрығымен Мемлекеттік кірістер комитеті төрағасының орынбасары қызметіне Бақытжан Слямов тағайындалды.
Слямов Бақытжан Оразғалиұлы 1983 жылы туған. 2006 жылы Қазақ гуманитарлық заң университетін заңгер мамандығы бойынша, 2009 жылы Шәкәрім атындағы Семей мемлекеттік университетін қаржы бакалавры мамандығы бойынша бітірген. Еңбек жолын 2005 жылы «Жеті Жарғы» ЖШС заң фирмасында заң кеңесшісінен бастап, директорға дейін жеткен. 2009 жылдың қазанында ҚР Парламенті Мәжілісінің Кеңсесінде мемлекеттік қызметке депутаттың көмекшісі ретінде қабылданып, онда 2014 жылдың қаңтарына дейін жұмыс істеген. 2014 жылдың қаңтарынан 2019 жылдың сәуіріне дейін ҚР Президенті Әкімшілігінің Әлеуметтік-экономикалық мониторинг бөлімінде сарапшы, кеңесші, инспектор болып жұмыс істеді. 2019 жылдың сәуір айынан бастап соңғы тағайындауға дейін ҚР Қаржы министрлігі Мемлекеттік кірістер комитетінің Адам ресурстары және ішкі басқару департаментінің директоры қызметін атқарып келді.
