Көлсай көлдері ЮНЕСКО-ның бүкіләлемдік желісіне енгізілді

ЮНЕСКО қазақстандық «Көлсай көлдері» мемлекеттік ұлттық табиғи паркін өзінің дүниежүзілік биосфералық резерваттар желісіне қосты. Мұндай шешім ЮНЕСКО бағдарламасының «Адам және биосфера» халықаралық үйлестіру кеңесінің 33-сессиясында қабылданды.

Осылайша, бүгінгі таңда ЮНЕСКО ұлттық желісінің Қазақстандағы биосфералық резерватының саны 13-ке жетті. Бұл көрсеткіш Орталық Азияның басқа елдеріндегі биосфералық резерваттар санынан едәуір көп.