Атырау облысында жыл басынан бері 26 адам суға кеткен

Атырау облысында жыл басынан бері 26 адам суға кеткен, деп хабарлайды облыстық төтенше жағдайлар департаменті баспасөз қызметі.

Атырау қаласында, Жылыой мен Құрманғазы ауданында тәулік бойы кезекшілік атқаратын 3 суда құтқару стансасы бар. Мұнда 11 кәсіби құтқарушы жұмыс істейді.

«Жыл басынан бері өңірдегі су айдындарында суға батқан 26 адам қайтыс болды. Оның ішінде Атырау қаласында – 12, Жылыой ауданында – 5, Махамбетте – 4, Құрманғазыда – 3, Индер ауданында 2 адам жантәсілім етті. Суға кеткендердің арасында 8 бала бар. Жедел құтқару жасағының көмегімен 1 ересек адам мен кәмелетке толмаған 2 жасөспірім құтқарылды», - делінген департаменттің баспасөз қызметі таратқан хабарламада.