ШҚО-да 19 жастағы бойжеткен жоғалып кетті

Шығыс Қазақстан облысы Бесқарағай ауданында 19 жастағы бойжеткен жоғалып кетті, деп хабарлайды облыстың Полиция департаменті баспасөз қызметі.

Баспасөз қызметі таратқан мәліметке сәйкес,  Долон ауылының тұрғыны қызының жоғалып кеткенін хабарлаған. 19 жастағы Наталья Пашкеева 3 қыркүйекте үйден шығып кетіп, сол күйі қайтып оралмаған.

«Қазіргі уақытта полиция қызметкерлері жедел-іздестіру шараларын жүргізуде. Қызды іздеуге волонтерлер де жұмылдырылды. Наталья Пашкееваның бойы 170 сантиметр, дене бітімі – орташа, шашы – ақшыл сары. Жоғалған күні үстінде сұр жемпір, көк джинсы және ақ кроссовка болған», - деп хабарлады ведомство өкілдері.