Жарты миллионға жуық колледж студенті дәстүрлі түрде оқуға қайта оралады

Колледждердің жобалық қуаты студенттерді штаттық форматта оқытуға мүмкіндік береді. Еліміздің 795 колледжінде 470 мыңға жуық студент білім алады. Бірінші курс студенттерінің саны 150 мыңнан асады. Орталық коммуникациялар қызметінде өткен брифингте ҚР Білім және ғылым вице-министрі Шолпан Каринова осындай деректерді келтірді.

«Оқу пәндерінің 20%-ын қашықтан өткізуге рұқсат етіледі. Бұл ретте, зертханалық, практикалық сабақтар және өндірістік практика штаттық форматта жүргізілетін болады. Педагогтердің 99%-ы толық егілді. Балалардың денсаулығы мен қауіпсіздігін қорғау мақсатында бұл жұмысты 1 қыркүйекке дейін аяқтаймыз», - деді спикер.