ШұғылӨткен тәулікте Қазақстанда 835 адамнан COVID-19 вирусы анықталды

Қазақстанда екі ай ішінде 235 рет жол жабылған

Қазан және желтоқсан айында Шығыс Қазақстан облысының жолдарындағы қозғалыс 72 рет шектелген

Фото: баспасөз қызметінен

Қазақстанда екі ай ішінде республикалық маңызы бар жолдарда 235 рет көлік жүрісіне шектеу қойылды, деп хабардайды  Azattyq Rýhy тілшісі ҚР ИИДМ сайтына сілтеме жасап.

«2019-2020 жж. қысқы кезең жолшылар үшін жабысқақ қардың салдарынан «Өскемен – Зырянов – Рахманов қайнары» автомобиль жолының жабылуынан басталды. Қазан және желтоқсан айларының аралығында республикалық маңызға ие жолдарда қозғалысқа 235 рет шектеу қойылған», делінген хабарламада.

Қазан және желтоқсан айында Шығыс Қазақстан облысының жолдарындағы қозғалыс 72 рет шектелген. Жолдың жабылуының жиілігі бойынша өңірлер арасындағы екінші орын Ақмола облысына тиесілі. Мұнда жолдардағы қозғалысқа 49 рет шектеу қойылыпты.

«Жолдар көбіне жолдағы жағдайды көруге кедергі келтіретін, жол-көлік оқиғаларының туындауына қауіп төндіретін тұман, боран, жабысқақ қар, жаңбыр, ауа температурасының төмендеуі сияқты ауа райының қолайсыз жағдайлары салдарынан жабылады», делінген хабарламада.

Қарашада Шығыс Қазақстан облысында температура -34 градусқа дейін төмендеп жолдар 15 рет жабылды. Сол кезде өңірде 12 жылыту пункті жұмыс істеді. Қазақстанда осындай 124 пункт бар. Бұдан бөлек, биыл жолшылар көктайғақта жолға шашылатын 60 мың текше метр құм, 13 мың текше метр тұз қоспасын дайындаған.

Тегтер: