Елімізде алдағы күндері күн суытады

Елімізде алдағы күндері күн суытады, деп хабарлайды Azattyq Rýhy Қазгидрометке сілтеме жасап.

«Батыс Сібірде орналасқан циклон, республиканың шығыс бөлігінде әлі де қолайсыз ауа райын қалыптастырады. Мұнда жаңбыр жауады. Шығыста және оңтүстік-шығыста найзағаймен, бұршақпен және екпінді желмен бірге қатты жаңбыр жауады. Республиканың батыс жартысында ауа райы Жаңа Жер облыстарынан келетін антициклонмен анықталады – температураның төмендеуі күтіледі.

Елдің солтүстік, орталық және шығыс бөлігінде, ауа температурасы түнде 5-13 градусқа дейін төмендейді, күндіз 15-23 градус болады деп күтіледі. Оңтүстікте түнде 8-18-ге дейін, күндіз 18-34 градусқа дейін жылы болады деп болжануда. Батыста түнде аздап төмендейді – 17-27, күндіз 30-40 градусқа дейін болады», - делінген хабарламада.