Нұр-Сұлтанда вакцина алғандар iPhone 12 және өзге де бағалы сыйлықтар ұтып алды

Нұр-Сұлтанда екпе алғандар арасында апта сайын өтетін бағалы сыйлықтардың ұтыс ойыны жалғасуда. Тағы бес iPhone12 және басқа да бағалы сыйлықтардың бесінші ұтыс ойыны 7 тамызда (сенбі) сағат 17:00-де Нұр-Сұлтан қаласы әкімдігінің әлеуметтік парақшаларында (Facebook, YouTube) тікелей эфирде өтті.

Қала әкімдігінің баспасөз қызметінің хабарлауынша, 5-ші ұтыс ойынына 28 шілде мен 6 тамыз (қоса алғанда) аралығында екпе алғандар қатысты,

«Бұл ұтыс ойындарына вакцинациялаудың барлық пункттері қатысады: медициналық мекемелер, сауда ойын-сауық орталықтары мен сауда үйлері де. Ұтыс ойынына қатысу автоматты түрде жүзеге асады, азаматтарға құжаттарды толтырып, тіркелудің қажеті жоқ. Қала әкімдігі демеушілер есебінен бағалы сыйлықтардың ұтыс ойындарын апта сайын өткізеді», - делінген әкімдік хабарламасында.

Осылайша, бесінші ұтыс ойынының жеңімпаздары: бес iPhone 12 - № 14674 - Назгүл Толқынбекова, №1642 - Мирас Нөгербеков, №10104 - Қуаныш Сүлейменов, №1055 - Ақмарал Қабсабыр, №10918 - Дархан Зухурнаев.

«Технодом» дүкенінен кір жуғыш машинаны жеңіп алды: №691 - Ирина Матвеева.

«Технодом» дүкенінен тоңазытқышты жеңіп алды: №6311 - Аян Кабенова..

Birge платформасында ұтыс ойынының жеңімпаздарын анықтау үшін (https://birge-elorda.kz/nur-sultan) арнайы рандомайзер сервисі орнатылған, ол вакцинацияланғандардың ID-ін генерациялау арқылы жүлдегерлерді таңдайды. Оны әзірлеуге IT-қауымдастық та қатысты. Екпе алғандар бойынша сервис ҚР Денсаулық сақтау министрлігінің ақпараттық жүйесімен біріктірілген.

Айта кетейік, елордада азаматтарды вакцинациялауға ынталандыру мақсатында бағалы сыйлықтар ойнатылады.

«Сонымен қатар, екпе алғандар арасында 2 бөлмелі пәтер ойнатылады. Осы жылдың 25 маусымы мен 31 тамызы аралығында вакцинаның 1-ші компонентін алған 18 жастан асқан қала тұрғындарының елордада жылжымайтын мүлікті ұтып алу мүмкіндігі бар. Бұл ұтыс ойынына вакцинацияның барлық пункттері қатысады: медициналық мекемелер, сауда ойын-сауық орталықтары мен сауда үйлері. Айта кету керек, ұтыс ойындары демеушілердің көмегімен өткізіледі», - делінген хабарламада.

Сондай-ақ MEGA «Silk Way» сауда ойын-сауы орталығындағы вакцинация пунктінде 1-ші компонентпен вакцинацияланғандар арасында автомобильдің ұтыс ойыны жарияланды.
Елордада өткізілетін ұтыс ойындары азаматтарды екпе алуға ынталандыру, осылайша өзінің, жақындарының денсаулығын сақтау үшін ұйымдастырылады. Өйткені басты мақсат - ұжымдық иммунитетті қалыптастырып, бұрынғы карантинге дейінгі режимге оралу. Ұжымдық иммунитеттің үлесі 60% - дан асуы керек.