Қазақстанның батысында тағы да ыстық болады - Қазгидромет

Тамыз айының басынан бастап, Иранның аудандарынан елдің батыс жартысына жылы және құрғақ ауа массасы келе бастайды. Бұл жағдай ауа температурасын 33-38-ге, кей жерлерде 43-ке көтереді. Бірақ жауын-шашынсыз болады.

Алайда, республиканың қалған аумағы атмосфералық фронтальды бөліктердің әсерінде болады, яғни жаңбыр жауады. 31 шілдеде оңтүстік-шығыста найзағай ойнап, бұршақ жаууы мүмкін. Еліміздің кей жерлерінде жел 15-20 м/с күшейеді, оңтүстік және оңтүстік-шығыста екпіні 25 м/с, шаңды дауыл күтіледі. Ауа температурасы солтүстікте, орталықта және шығыста күндіз 27-36 градус жылы болады, оңтүстікте 35-40 жылылық сақталады.