Елімізде бір тәулікте коронавирус пен пневмониядан 74 адам қайтыс болды

Қазақстанда бір тәулікте коронавирус пен КВИ белгілері бар пневмониядан 74 адам қайтыс болды деп хабарлады Денсаулық сақтау министрлігі.

Қайтыс болғандардың 64-і коронавирустан көз жұмса, 10 адам пневмонияның құрбаны болған.

23 шілдедегі мәлімет бойынша, 71 221 адам коронавирус инфекциясынан (–69 436 + және 1 785 КВИ-) емделуде. Олардың ішінде 21 096 пациент стационарда, 50 125 науқас амбулаториялық деңгейде ем қабылдауда.

КВИ+, КВИ- шалдыққандардың арасында:

• 1 258 адамның жағдайы ауыр;
• 274 пациенттің жағдайы өте ауыр;
• 166 науқас ӨЖЖ аппаратында жатыр.