Жеңіс Қасымбек «Жусанмен» оралған қарағандылықтардың қазіргі жағдайын айтып берді

«Қарағандыда ондай адамдарды оңалту бойынша жұмыстар белсенді жүргізіліп жатыр. Әрбір адам есепте тұр, әрбірімен жұмыс жүргізіп жатырмыз. Негізгі мақсатымыз – оларды әлеуметтік ортаға бейімдеу, жұмыспен қамтамасыз ету, олардың балаларына білім беру. Яғни аналарымен бірге келген балаларды айтамын», - дейді әкім.

Ал, «Ұлттық қауіпсіздік комитетінің мәліметіне сәйкес, Сирияда соғысып жүрген әрбір бесінші қазақстандық - Қарағанды облысының тұрғыны» деген мәліметке қатысты облыс әкімі «бұл 5 жыл бұрынғы жағдай» деген уәж келтірді.  

«Әрине, мұндай мәселелер туындаған. Егер 2-3 жыл немесе 5 жыл бұрынғы жағдаймен салыстырсақ, дәстүрлі емес діни ағымдардың өкілдері бірнеше есеге азайды», - дейді облыс әкімі.

Кенжекей Тоқтамұратқызы, Нұр-Сұлтан