Биыл еліміз бойынша 480 ауыл жаңғыртылады

2021 жылы еліміз бойынша 480 ауыл жаңғыртылады. Бұл туралы Президент Қасым-Жомарт Тоқаевтың төрағалығымен өтіп жатқан Үкіметтің кеңейтілген құрамдағы отырысы кезінде Үкімет басшысы Асқар Мамин мәлімдеді.

Үкімет басшысы ауылдық жерлердегі тұрмыс сапасын жақсарту мақсатында бірқатар шаралар атқарылғанына тоқталды.

«Ауыл – ел бесігі» жобасы аясында 480 ауыл жаңғыртылатын көрінеді. Жобалардың басым көпшілігі Түркістан, Жамбыл, Шығыс Қазақстан, Қызылорда, Ақмола және Солтүстік Қазақстан облыстарында өткізіледі деп жоспарлануда», - деді Асқар Мамин..

Сондай-ақ 106 млрд теңгеге 1140 жоба іске асырылмақ. Экономиканы сапалы цифрландыру бойынша Үкімет тарапынан кешенді жұмыс жүргізіліп жатқандықтан, интернет трафигі 2020 жылы 6800 петабайт болса, есепті кезеңде 132 пайызға артып, 15800 петабайтқа дейін өседі. Ал қалта телефоны арқылы алатын қызметтердің түрлері 3 есеге артады.

Асқар Мамин Үкімет биыл бірқатар нысаналы көрсеткіштерге қол жеткізу үшін белсенді жұмыс жүргізіп жатқанын айтты.