Қазақстандық теннисші Италия турнирінің жартылай финалына жолдама ала алмады

Қазақстандық Тимофей Скатов Перуджа (Италия) турнирінің жартылай финалына шыға алмады.

Дүниежүзілік рейтингте 325-орында тұрған Т.Скатов ширек финалда әлемнің 301-ракеткасы, хорватиялық Нино Сердарушичпен кездесті. Бұл матчта қазақстандық теннисші 7:6 (8:6), 4:6, 4:6 есебімен есе жіберді. Үш сағатқа жуық созылған жарыста хорватиялық спортшы 4 брейк-пойнттың екеуін пайдаланып, 9 эйс жасады. Т.Скатов эйс те, брейк те жасай алмады. Нино Сердарушич финалға шығу үшін рейтингте өзінен екі саты төмен тұрған украиналық Виталий Сачкомен таласады.