ШұғылҚазақстанда өткен тәулікте 7,5 мың адам коронавирус жұқтырды

Тоқаев Азаматтық қорғау академиясының үздік түлектеріне офицерлік шен табыс етті

Аталған шара жыл сайын салтанатты түрде өтеді

Қалыптасқан дәстүр бойынша елорда күні қарсаңында Нұр-Сұлтан қаласындағы «Атамекен» этно-мемориалдық кешені маңында Мемлекеттік туды көтеру салтанатты рәсімінде еліміздің әскери жоғары оқу орындарының үздік түлектері Мемлекет басшысының қолынан алғашқы офицерлік атақ шенін алды деп хабарлайды ҚР ТЖМ баспасөз қызметі.

Осы жолы Төтенше жағдайлар министрлігі Мәлік Ғабдуллин атындағы Азаматтық қорғау академиясының 3 тәрбиеленушісі Жанат Әділхан және Талап Әнәпия осы құрметке ие болды. Олар ТЖК аумақтық бөлімшелерде қызметтерін жалғастыратын болады.

Сонымен қатар, Төтенше жағдай лар министрі Юрий Ильин академияның 4 түлегі Азамат Абдрахмановқа, Әділет Дәулетбековке, Бақыт Орынбасарға, Әділжан Молдахметовке лейтенанттық шен табыс етті.

«Азаматтық қорғау органдары кадр ұстасының үздік түлектері қызмет барысында барлық жүйені дамытуға қомақты үлес қосып, жоғары нәтижелерге қол жеткізеді, себебі курсанттар бола тұрып, бұл балалар өрт сөндіруші және құтқарушы мамандығының имиджін арттыра отырып, академияның ғылыми, спорттық және мәдени өміріне белсене қатысты. Академияда оқыған жылдары тәрбиеленушілер оқу бағдарламасының теориялық курсын меңгеріп қана қоймай, сонымен қатар спорттың әр түрі бойынша академияның құрамында өнер көрсете білді, ғылыми-зерттеу қызметімен айналыса білді, ғылыми-практикалық конференцияларда сөз сөйледі», - делінген ТЖМ таратқан хабарламада.

Айта кетейік, оқу мен қоғамдық өмірде жоғары нәтиже көрсеткен академия түлектері 2010 жылдан бастап осы рәсімге қатысады. Жалпы 11 жылда Қазақстан Республикасы Президентінің қолынан Қазақстан Республикасы Төтенше жағдайлар министрлігі ведомстволық оқу орнының 23 түлегі лейтенант шенін алды.