ШұғылCOVID-19: Қазақстанда өткен тәулікте 7800-ге жуық адамнан вирус анықталды

Қызылордада сәбіздің келісі 735 теңгеден сатылып жатыр

2020-2021 жылдарға тұрақтандыру қорына 1,4 миллард теңге қаржы қаралған 

Фото: ашық дереккөзден

Қызылордада да көкөніс қымбаттап кетті. Сәбіздің келісі 735 теңгеден сатылып жатыр, деп хабарлайды Azattyq Rýhy «Хабар 24»-ке сілтеме жасап. 

Сауда орталықтарының бірінде сәбіздің келісі 735 теңгеден сатылып жатыр. Әлеуметтік желіде желдей ескен ақпаратты облыстық ауыл шаруашылығы басқармасы растады. Қоймалардағы қаптың түбі көрініп, көкөністің биылғы өнімі базарға жеткенше қымбаттаған. Жергілікті биліктің бағаны тұрақтандыру шаралары әзірге нәтиже бермеді. Сала мамандары «картоп пен сәбіздің ерте пісетін сұрыптары тез бұзылатын болғандықтан қымбатқа сатылып жатыр» дейді. Оңтүстік облыстар мен Өзбекстаннан тікелей жеткізу үшін келісімдер жасалмақ. 2020-2021 жылдарға тұрақтандыру қорына 1,4 миллард теңге қаржы қаралған еді. 

"Картоптың бағасы ақырындап түсіп жатыр. Түркістаннан, Сарыағаштан 180-200 теңгеден әкеліп жатсақ, нарықта 220-250 теңгеден сатылып отыр. Сәбізіміз енді-енді пісіп жатыр ғой, Түркістаннан. Біз кәсіпкерліктен сөйлесіп жатырмыз. «Магнумда» 700 теңгеден жүр, сөйлескеннің нәтижесінде 450 теңгеден, 430 теңге болып тұр баға", - деді облыстық ауыл шаруашылығы басқармасы басшысының орынбасары Айнұр Тілеулеева. 

"Тұрақтандыру қоры мен қоймада картоп, сәбіз жоқ. Шығындары көп, АШМ бұйрығы бар, соның ішінде 2 түрі бар, бағаларды тежеудің. Біріншісі тұрақтандыру қорында сақтау. Ұстап отырып, тарату. Екіншісі кәсіпкерлікке төмен пайызбен беру. Біз екінші тәсілге көштік. Біз кәсіпкерлікке бердік, «талабымыз әлеуметтік дүкендерді өнімдермен толтырып тұрасың» дедік", - дейді «Байқоңыр» ӘКК» АҚ басқарма төрағасының орынбасары Талғат Жақыпбаев.