Қарағандылық ультрамарафоншы әлемдік рекордты жаңартпақ

Қарағандылық ультрамарафоншы Заңғар Әлкенов әлемдік рекордты жаңартпақ, деп хабарлайды Azattyq Rýhy «Хабар 24»-ке сілтеме жасап.

Бүгін желаяқ жолға шықты. Жезқазған қаласынан Жаңаарқа елдімекеніне дейінгі аралықта бірнеше мәрте аялдап, тынығады. Арнайы сұйық тағам мен түрлі дәрумендер ішеді. Ал денсаулығын дәрігерлер жіті қадағалап отырмақ. Заңғар қазір әскери-полиция офицері болып еңбек етеді. Ол бұған дейін Қазақстан рекордын орнатқан болатын. Ал бұл рекордты қашықтыққа емес, уақытқа арнап отыр.

 «48 сағаттың ішіне менің демалуым, дәрігерлік көмек алуым, 4 сағаттық ұйықтауым кіреді. Бірінші күнгі жоспарланған 70 шақырымдық, ол яғни 7 сағатқа жоспарланған. Кейін 40 шақырым сайын 15 минут тоқтап, тамақтанып, демалып отырамын», - деді ультрамарафоншы Заңғар Әлкенов.