ШұғылҚазақстанда коронавируспен ауырғандар саны 404 мыңнан асты

26 мамырға арналған ауа райы болжамы

Еліміздің 9 облысында қатты ыстық болады

Фото: ашық дереккөзден

Синоптиктер сәрсенбі, яғни 26 мамырға арналған ауа райы болжамын жариялады, деп хабарлайды Azattyq Rýhy.

«Қазақстан территориясының басым бөлігінде атмосфералық фронталды бөліктердің өтуімен тұрақсыз ауа райы болады, кей жерлерде найзағаймен өткінші жаңбыр жауады. Республиканың кей жерлерінде дауыл, шаңды дауыл болып, жел күшейеді, оңтүстік-шығыста, солтүстікте бұршақ жаууы ықтимал», - делінген «Қазгидромет» хабарламасында.

Солтүстік Қазақстан облысының күндіз кей жерлерінде дауыл соғып, желдің күшеюі түнде кей жерлерде 15-20, күндіз 15-20, екпіні 23-28 м/с жетеді.

Түркістан, күндіз Қостанай облыстарының кей жерлерінде дауыл, шаңды дауыл соғып, жел 15-20 м/с, Қостанай облысында екпіні 23 м/с жетеді.

Жамбыл, Павлодар, күндіз Ақмола облыстарының кей жерлерінде жел 15-20 м/с, Жамбыл облысында екпіні 25 м/с күшейеді, күндіз бұршақ жаууы ықтимал.

Батыс Қазақстан, күндіз Қызылорда, Маңғыстау, Ақтөбе, Қарағанды облыстарының кей жерлерінде жел 15-20 м/с күшейеді, Маңғыстау облысында күндіз шаңды дауыл болады.

Күндіз Алматы, Қызылорда, Атырау, Ақтөбе, Қостанай, Ақмола, Солтүстік Қазақстан, Павлодар, Қарағанды облыстарында қатты ыстық болады.

Қызылорда, Ақтөбе облыстарының басым бөлігінде, Шығыс Қазақстан, Қарағанды облыстарының кей жерлерінде, Алматы, Жамбыл, Атырау, Батыс Қазақстан, Қостанай, Павлодар облыстарының жекелеген аудандарында өте жоғары өрт қаупі сақталады.