Қазақстанда қолданылатын ПТР-тестілер бірнеше тексеру сатысынан өтеді – ДСМ

Министрлік медициналық бұйымдардың сапасы сараптама барысында тексерілетінін айтты

Қазақстанда қолданылатын ПТР-тестілер бірнеше тексеру сатысынан өтеді – ДСМ
Фото: Shutterstock

Үндістанның Бомбей қаласында түсірілген әлеуметтік желілерде таратылған бейнеге қатысты Қазақстан Республикасы Денсаулық сақтау министрлігінің Медициналық және фармацевтикалық бақылау комитеті мәлімдеме жасады, деп хабарлайды Azattyq Rýhy.

COVID-19 таралуына жол бермеу жөніндегі ВАК мәліметіне сәйкес, бүгінгі күні Қазақстан Республикасында Ресей, Корея, Германия, Қытай және Қазақстанда өндірілген ПТР-тестілер тіркеуге алынған және қолдануға рұқсат етілген.  

Медициналық бұйымдардың сапасы оның сараптамасы барысында тексеріледі, оны Дәрілік заттар мен медициналық бұйымдарды сараптау ұлттық орталығы жүзеге асырады және ол процесс мынадай кезеңдерден тұрады:

- ұсынылған құжаттардың толықтығын тексеруге алғашқы сараптама (тіркеу деректері);

- мамандандырылған сараптама, оның барысында сапаны бағалау жүзеге асырылады;

- мемлекеттік және халықаралық стандарттарға сәйкес жұмыс істейтін ДЗСҰО-ның аккредиттелген сынақ зертханаларында өткізілетін зерттеулер.

Медициналық бұйымдардың айналымы кезеңінде нарықта фармакологиялық қадағалау және қауіпсіздікті, сапа мен тиімділікті мониторингтеу жүйесі жұмыс істейді, оның барысында бұйымдарды қолдану кезіндегі жағымсыз салдар туралы деректерді жинау, талдау және бағалау жүзеге асырылады.

«Осылайша, медициналық бұйымдардың айналымын бақылаудың көпсатылы жүйесі Қазақстан халқын қауіпсіз және сапалы өніммен қамтамасыз етуге жағдай жасайды», - делінген ақпаратта. 

 
×
Бұл желілік ресурстың ақпараттық өнімдері 18 жастан асқан адамдарға арналған.