ШұғылCOVID-19: Қазақстанда вирус жұқтырғандар саны 406 мыңнан асты

Шымкентте 96 жастағы ардагердің жүрегіне ота жасалды

Аурухана дәрігерлері ардагерді Жеңіс күнімен құттықтады

Шымкент жүрек орталығының хирургтері 96 жастағы науқасқа күрделі кардиохирургиялық операция жасады, деп жазады Оtyrar.kz.

Отадан кейін денсаулығы жақсарған қарт кісіні қалалық Денсаулық сақтау басқармасының басшысы Бақытжан Позилов мерекесімен құттықтап, ауруханаға арнайы барды.

«Жүрегіне операция жасалған майдангер Атажанов Қадыр – ҰОС ардагері. Сұрапыл соғысқа 1942 жылдың соңында 17 жасында өз еркімен аттанған сарбаз жаяу әскерлер құрамында Батыс-Украина майданында шайқасқан. Соғыс аяқталғанымен, майдангер Қадыр Атажанов әскери қызметін Украинада жалғастырды, бандерашылармен күресті. 1948 жылы елге оралған ол көп ұзамай теміржолшы болып жұмысқа орналасады. 40 жыл еңбек етіп, абыроймен зейнеткерлікке шығады», - делінген хабарламада.

Айта кетейік, қария 7 мамыр күні қаладағы жүрек орталығының қабылдау бөліміне жедел жәрдем арқылы жеткізілген еді. Ауруханаға түскен 1925 жылғы науқастың өмірін аман алып қалу үшін дәрігерлер шұғыл түрде электрокардиостимулятор имплантациясы отасын жасады. Қазіргі таңда ардагердің жағдайы жақсы, орталықта емін жалғастырып жатыр.