Батыс Қазақстанда 61 млрд теңгеге жылыжай салынбақ

Қазақстанда қуаттылығы 60 МВт-ты құрайтын өз электр станциясы бар  тағы бір жылыжай пайда болады. Жоба құны 61 млрд тенгеге бағаланып отыр, деп хабарлайды  Azattyq Rýhy тілшісі LS-ке сілтеме жасап.

Батыс Қазақстан облысының әкімдігі хабарлағанындай, жаңа нысан индустириалды аймақта салынады.

«Жобаның жаплы құны 61 млрд теңге. 500 жұмыс орнын ашу жоспарланған», - делінген мемлекеттік орган таратқан ақпаратта.

Жылыжайда қызанақ өсіріледі. Нысанның қуаттылығы жылына 40 мың тонна. Дайын өнім Қазақстанның ішкі нарығы мен Ресейге шығарылады. Жоба 2020-2025 жылдар аралығында жүзеге асырылмақ. Қазір жобалық-сметалық құжаттар әзірленуде.