28 сәуірге арналған ауа райы болжамы

Синоптиктер сәрсенбі, яғни 28 сәуірге арналған ауа райы болжамын жариялады, деп хабарлайды Azattyq Rýhy «Қазгидромет» РМК баспасөз қызметіне сілтеме жасап.

«Антициклон жотасының әсерінен Қазақстанның оңтүстігінде, оңтүстік-шығысында және шығысында жауын-шашынсыз ауа райы болады. Ал қалған аумақта ауа райын оңтүстік циклоны және онымен байланысқан  атмосфералық фронталды бөліктер анықтайтын болады – кей жерлерде жаңбыр жауып, найзағай ойнайды. Еліміздің кей өңірінде жел күшейіп, оңтүстік-батыста және солтүстік-батыста тұман түседі», - дейді синоптиктер.

Атап айтқанда, Солтүстік Қазақстан облысында желдің күші 15-20 м/с, кей жерлерде екпіні 23-28 м/с дейін жетуі, кей жерлерде дауыл соғуы мүмкін.

Павлодар облысында жел түнде кей жерлерде, күндіз басым бөлігінде 15-20 м/с дейін күшейеді.  

Қостанай облысында кей жерлерде тұман түсіп, желдің күші 15-20 м/с жетеді.

Ақмола, түнде Жамбыл, күндіз Қызылорда, Қарағанды, Шығыс Қазақстан облыстарының кей жерлерінде жел екпіні 15-20 м/с дейін жетеді.

Ақтөбе, Маңғыстау облыстарында түнде және таңертең кей жерлерде тұман түседі.

Алматы облысы Жалаңашкөл ауданында жел 15-20 м/с дейін жетеді.