Қарағанды облысында бір айда 516 оқушы коронавирус жұқтырған

Биылғы оқу жылының төртінші тоқсанының басынан Қарағанды облысында оқушылар арасында коронавирустық инфекцияны жұқтырудың 516 жағдайы тіркелді, деп хабарлайды Azattyq Rýhy.

Сонымен қатар, мектеп қызметкерлері арасында КВИ-дің 47 жағдайы тіркелді. Облыс көлемінде 50 мектеп карантинге жабылды.

«Оқушылар арасында тіркелген жағдайдың 394-і оффлайн режимде оқыған балалар, 122 оқушы қашықтан оқыған. Оффлайн режимінде оқып індетті жұқтырған оқушылардың 67,3%-ы 1-5 сынып оқушылары арасында тіркелген», - делінген COVID-19 таралуына жол бермеу жөніндегі ведомствоаралық комиссия хабарламасында.

Жоғарыда айтылғандарға байланысты, оқушылар арасында коронавирустық инфекцияның таралуын азайту мақсатында Қарағанды, Балқаш, Жезқазған, Теміртау, Саран, Шахтинск және Абай қалаларында 1-5 сынып оқушыларын қашықтан оқытуға ауыстыру туралы шешім қабылданды.