Коронавирус пен КВИ пневмониясынан бір тәулікте 32 қазақстандық қайтыс болды

Қазақстанда бір тәулікте коронавирус пен пневмониядан 32 адам қайтыс болды. Оның ішінде 29 адам коронавирустан, 3 адам коронавирус белгілері бар пневмониядан көз жұмды.

Өлім жағдайы Алматы (12), Нұр-Сұлтан (7), Шымкент (2), Ақмола облысы (1), Алматы облысы (1), Ақтөбе облысы (1), Атырау облысы (2), БҚО (1), Қарағанды облысы (2), Қызылорда облысында (3) тіркелді.

23 сәуірдегі мәлімет бойынша, Қазақстанда коронавирустан 40 441 адам ем қабылдап жатыр, оның 14 387-і стационарда, ал 26 054 науқас амбулаториялық деңгейде емделуде.

КВИ+, КВИ- шалдыққандардың арасында:

• 689 адамның жағдайы ауыр;
• 171 пациенттің жағдайы өте ауыр;
• 97 науқас ӨЖЖ аппаратында жатыр.