ШұғылҚазақстанда өткен тәулікте 2443 адамнан коронавирус инфекциясы анықталды

Қазақстанға ұшып келген 2 жолаушыдан коронавирус анықталды

Олардың бірі Шарм-эль-Шейхтен, бірі Минскіден ұшып келген

Фото: ашық дереккөзден

21 наурызда Қазақстан аумағына Германия, Венгрия, Мальдив, Шри-Ланка, Ливан, БАӘ, Мысыр, Түркия, Грузия, Украина, Ресей, Беларусь, Тәжікстан, Өзбекстан және Қырғызстан елдерінен 43 халықаралық әуе рейсімен 5 356 жолаушы келді. Олардың ішінде 5 179 жолаушыда теріс нәтижесі көрсетілген ПТР-анықтама болса, қалған 177 ҚР азаматында тиісті анықтама болмаған.

  • Алматы әуежайына – 21 рейс (2 868 жолаушы, анықтамамен - 2 727, анықтамасыз – 141);
  • Нұр-Сұлтан әуежайына – 9 рейс (1 265 жолаушы, анықтамамен - 1 236; анықтамасыз – 29);
  • Шымкент әуежайына – 8 рейс (576 жолаушы анықтамамен келген);
  • Ақтау әуежайына – 2 рейс (196 жолаушы анықтамамен келген);
  • Түркістан әуежайына – 2 рейс (370 жолаушы, анықтамамен - 363; анықтамасыз – 7);
  • Атырау әуежайына – 1 рейс (барлық 81 жолаушы анықтамамен келген).

Анықтамасыз келген Қазақстан азаматтары келген жері бойынша ПТР-талдау әдісімен тестілеуден өтіп, карантиндік стационарларда нәтижесін күтуде.

Сондай-ақ 20 наурызда шетелден анықтамасыз келген 400 ҚР азаматының екеуінен коронавирус инфекциясы анықталды: бір жолаушы Шарм-эль-Шейхтен (Египет) Ақтөбе қаласына, екінші жолаушы Минскіден (Беларусь) Нұр-Сұлтан әуежайына ұшып келген.