ШұғылҚазақстанда өткен тәулікте 2656 адамнан коронавирус инфекциясы анықталды

Шымкенттік кәсіпкерлерге 52,6 млн теңгеден астам айыппұл салынды

Мониторингтік топтар жыл басынан бері 251 рейдтік тексеру жүргізіп, түрлі заңбұзушылықты анықтаған

Шымкент қаласында 2021 жылдың 1 қаңтарынан бастап мониторингтік топтар 251 рейдтік тексеру жүргізіп, 6 675 объекті мониторингпен қамтыды. Оның ішінде: 4 075 қоғамдық тамақтану орны, 2 097 коммуналдық нысан, 294 өнеркәсіп нысан, сондай-ақ, балалар мен жасөспірімдерге арналған 209 нысан тексерілді, деп хабарлайды Azattyq Rýhy.

«Қоғамдық тамақтану орындарында жұмыс істеу режимінің сақталмауы, топтық іс-шаралардың өткізілуі, бетперде кию режимінің сақталмауы, рұқсат етілген келушілер санының сақталмауы жиі кездесуде.  Мониторинг топ анықтаған заңбұзушылықтар бойынша 886 жауапты тұлғаға хаттама толтырылып, 52,6 млн теңгеден астам сомаға айыппұл салынды», - делінген COVID-19 таралуына жол бермеу жөніндегі ВАК мәліметінде.

Шымкент қаласының санитариялық-эпидемиологиялық бақылау департаментінің мамандары коронавирус инфекциясының таралуын алдын алу мақсатында, ҚР Бас мемлекеттік санитариялық дәрігері және Шымкент қаласының Бас мемлекеттік санитариялық дәрігерінің қаулыларында көрсетілген талаптардың орындалуы бойынша түсіндіру жұмыстарын жүргізуде.