Александр Бублик әлемнің жетінші ракеткасын жеңді

Қазақстанның бірінші, әлемнің 43-ракеткасы Александр Бублик Роттердамда (Нидерланды) өтіп жатқан ATP 500 турнирінің екінші айналымына шықты, деп хабарлайды ҚТФ баспасөз қызметі.

Қазақстандық теннисші бастапқы кездесуін әлемнің жетінші, осы доданың 3-ракеткасы - германиялық Александр Зверевпен өткізді. А.Бублик 1 сағат 18 минутқа созылған матчта 7:5, 6:3 есебімен жеңіске жетті. Қазақстандық теннисші бәсеке барысында 5 эйс, 4 брейк жасай алды.

А.Бублик ширек финалға шығу үшін рейтингте 56-орында тұрған америкалық Томми Полмен кездеседі.

Жалпы жүлде қоры 1 млн 117,9 мың еуроға бағаланған айтулы жарыстың ақтық 7 наурызда өтеді деп жоспарланған.