ШұғылҚазақстанда бір тәулікте 2700-ге жуық адамнан коронавирус анықталды

Мысырдан ұшып келген бір адамнан коронавирус анықталды

26 ақпанда Қазақстанға 27 халықаралық әуе рейсі ұшып келді

Фото: ашық дереккөзден

26 ақпанда Қазақстан аумағына Латвия, Қытай, Шри-Ланка, БАӘ, Мысыр, Түркия, Армения, Грузия, Ресей, Беларусь, Өзбекстан және Қырғызстаннан 27 халықаралық әуе рейсі ұшып келді, деп хабарлайды Azattyq Rýhy тілшісі.

ҚР Денсаулық сақтау министрлігі Санитариялық-эпидемиологиялық бақылау комитетінен мәлім еткендей, бір тәулікте елімізге барлығы 3 633 жолаушы ұшып келді. Оның 3 294-інде коронавирусқа ПТР-тестілеудің теріс нәтижесі бар анықтама болған. Қалған 339-ы ПТР-анықтамасыз келген, барлығы да Қазақстан азаматтары.

Анықтамасы болмаған Қазақстан азаматтары келген жерлері бойынша COVID-19-ға ПТР-талдау әдісімен тестіленді және карантиндік стационарларда өз нәтижелерін күтуде.

Сондай-ақ мәлім етілгендей, 25 ақпанда шетелден анықтамасыз келген Қазақстанның 496 азаматының коронавирусқа тест нәтижелері дайын болған. Оған сәйкес, «Шарм-эль-Шейх – Нұр-Сұлтан» рейсіндегі 1 жолаушыдан коронавирус инфекциясы анықталды.