ШұғылӘлемде бір күнде 120 мыңға жуық адамнан коронавирус анықталды

Алматыда «Әлем барысы» әлем чемпионаты басталды

Алматыдағы «Балуан Шолақ» спорт сарайында ҚР Тұңғыш Президенті күніне орайластырылған Қазақ күресінен абсолюттік «Әлем барысы» әлем чемпионаты басталды

Алматыдағы «Балуан Шолақ» спорт сарайында ҚР Тұңғыш Президенті күніне орайластырылған Қазақ күресінен абсолюттік «Әлем барысы» әлем чемпионаты басталды, деп хабарлайды Azattyq Rýhy ҚазАқпаратқа сілтеме жасап.

 «Qazaqstan» телеарнасының тікелей эфирінен көрсетіліп жатқан чемпионаттың дәл қазіргі уақытта жеребе тарту рәсімі өтіп жатыр. Төртінші рет өтетін бәсекеге 30 елден 33 балуан қатысады. «Әлем барысы» атануға АҚШ, Аустралия, Әзербайжан, Бразилия, Грекия, Грузия, Үндістан, Иран, Испания, Италия, Камерун, Конго, Корея, Куба, Қырғызстан, Литва, Моңғолия, Нидерланды, Пәкістан, Польша, Ресей, Словения,Тәжікстан, Түрікменстан, Түркия, Өзбекстан, Украина, Эстония, Жапония секілді елдердің және Қазақстанның атақты балуандары келген.

Бұл сында еліміздің намысын А.Нұғымаров (ШҚО), Р.Әбдіразақов (Алматы қаласы), М.Исағабылов (Қызылорда облысы), Н.Жарылғапов (Маңғыстау облысы) сынды балуандар қорғайды.

Чемпионат Қазақстанның тарихи және мәдени мұрасын дамыту, шет елдерде қазақ күресін дамыту барысындағы ынтымақтастық пен өзара байланысын нығайту, қазақ күресін халықаралық деңгейде одан әрі жетілдіру, насихаттау және беделін көтеру, қазақ күресінен «Әлем барысын» анықтау мақсатын жүзеге асырады.

«Әлем барысы» чемпионатының биылғы жүлде қоры 20 миллион теңгені құрайды. Жеңімпаз атанған балуанға 10 млн теңге және алтын белбеу, екінші орын иегеріне 6 млн теңге және үшінші орын иегеріне 3 млн теңге, сәйкесінше, күміс және қола белбеулермен марапатталады. Ал «Жеңіске деген жігері үшін» атанған спортшыға 1 млн теңге беріледі. Сондай-ақ, жылдағы дәстүрге сай жанкүйерлер арасында автокөлік ойнатылады.

‡àãðóçêà...
Сұхбат
Чжан Сяо ҚХР мен АҚШ байланысының суып кетуіне кімдердің қатысы барын айтты
«Болашақ» президенті стипендия талаптарындағы өзгерістерді егжей-тегжейлі түсіндірді
Бүгінге дейін ауылға көшу акциясына 4000 адамнан өтініш түcкен