Сарыағашта жоғалып кеткен 13 жастағы қыз табылды

Түркістан облысының полицейлері жоғалған 13 жастағы қызды тауып, отбасына қайтарды, деп хабарлайды Azattyq Rýhy тілшісі Polisia.kz-ке сілтеме жасап.

«Сарыағаш тұрғыны полицейлерге күндізгі сағат 16:30 шамасында 13 жастағы қызы қазір келемін деп, үйінен шығып, содан оралмағанын айтқан. Тәртіп сақшылары жоғалған қызды тез арада табу мақсатында, сыныптастарының үйлерін жеке-жеке аралап, мектеп басшыларымен байланысты. Соның нәтижесінде төрт сағатта қыздың жүрген жері анықталды. Ол өзінің үйінен кейінгі 4-көшеде жалғыз келе жатқан жерінен табылды. Қазіргі таңда жасөспірім қыз ата-анасына аман-есен табысталды», - деп жазылған хабарламада.

Қыз ата-анасына ескертіп, құрбыларымен тамақтану орталығына шыққаны белгілі болды. Алайда ата-анасы қызының сөзіне мән бермеген. Осылайша қызын жоғалды деп ойлап, тәртіп сақшыларына хабарлаған.