13 ақпанда Қазақстанға 342 жолаушы ПТР-анықтамасыз келген

13 ақпанда Қазақстан Республикасының аумағына Германия, БАӘ, Мысыр, Түркия, Кипр, РФ, Беларусь Республикасы, Өзбекстан және Қырғызстаннан 15 халықаралық әуе рейсі келді, деп хабарлайды Azattyq Rýhy тілшісі.

2 242 әуе жолаушының ішінде ПТР-тестілеудің теріс нәтижесі бар анықтамамен 1 900 адам, анықтамасыз 342 ел азаматы келді. 

Анықтамасыз келген Қазақстан азаматтары келген жерлері бойынша COVID-19-ға ПТР-талдау әдісімен тестіленді және карантиндік стационарларда өз нәтижелерін күтуде.

2021 жылдың 12 ақпанында шетелден анықтамасыз келген барлық 306 ҚР азаматтарының ПТР-талдаулары теріс нәтиже көрсетті.