ШұғылЕлімізде өткен тәулікте 855 адамнан коронавирус анықталды

Қызылорда облысында коронавирусқа қарсы екпе егу ақпан айында басталады

Шалғай елдімекен тұрғындарына екпе салу үшін 64 жылжымалы егу бригадалары қарастырылған

Қызылорда облысында коронавирустық инфекцияға қарсы екпе егу 2021 жылдың ақпан айында басталады. Бұл туралы COVID-19 таралуына жол бермеу жөніндегі ведомствоаралық комиссия мәлімдеді, деп хабарлайды Azattyq Rýhy.

Қазіргі уақытта вакцинациялауға жататын топтар бойынша адамдардың санын нақтылау, коронавирустық инфекцияға қарсы вакцинаны сақтауға және тасымалдауға арналған құрал-жабдықтарды тексеру және егу пункттерінің жарақтандырылуы бөлігінде ұйымдастыру іс-шаралары жүргізілуде.

Телемедицина форматында «Спутник V» вакцинасынын жүргізудің алғышарттары, тасымалдау және егу жұмыстарын ұйымдастыру алгоритмі мен вакцинациялау көрсеткіштері мен қарсы көрсетілімдері тақырыбында облыстық медициналық ұйымдардың 65 жауапты маманы мен 324 эпидемиолог дәрігерлері арнайы оқытылды.

«Халықтың осал топтары үшін вакцинация ақысыз және ерікті түрде жүргізіледі. Екпе 2 кезіңнен тұрады, яғни бірінші дозадан 21 күн өткен соң екіншісі егіледі.

Облыс тұрғындары арасында коронавирустық инфекцияға қарсы вакцинация жүргізу 154 егу кабинеті белгіленді. Бұдан бөлек шалғай елдімекен тұрғындарына екпе салу үшін 64 жылжымалы егу бригадалары қарастырылған», - делінген хабарламада.

Вакцина салу алдында денсаулық жағдайы бойынша анамнез нақтыланады, егер дене температурасы 37 градустан жоғары болса, екпе салынбайды. Сонымен қатар инфекциялық және инфекциялық емес аурудың өршу кезеңі екпе егуге қарсы көрсетілім болып саналады. Бұл жағдайда вакцина аурудан жазылғаннан кейін 2-4 аптадан соң жүргізіледі. Жеке қарсы көрсетілімдер вакцинациялау алдында аймақтық дәрігермен ресімделінеді.