IBF орта салмақтағы боксшылар рейтингінің жаңа нұсқасын жариялады
Халықаралық бокс федерациясы (IBF) орта салмақтағы боксшылар рейтингінің жаңа нұсқасын жариялады, деп жазады prosports.kz порталы.
Өткен жылдың желтоқсан айында Польша спортшысы Камил Шереметаны (21-1, 5 КО) нокаутқа жіберіп, титулын сәтті қорғап шыққан қазақстандық боксшы Геннадий Головкин (41-1-1, 36 КО) – аталған санаттағы әлем чемпионы.
«Рейтингтің жаңартылған релизінде алғашқы екі орын бос. GGG-мен жұдырықтасқанға дейін тізімде үшінші орында тұрған Шеремета оныншы орынға сырғыды. Ал оның орнын Германия өкілі Патрик Войцицки (14-0-1, 5 КО) басқан. Головкиннің болуы мүмкін қарсыласы, мексикалық Хайме Мунгия (36-0, 29 КО) тізімде содан кейін тұр», - делінген ақпаратта.
Атап өтейік, IBF қазірше Головкин мен Войницкидің жекпе-жегін ресми түрде белгілеген жоқ.
