ШұғылЖелтоқсан-қаңтар айларында Қазақстанда карантин күшейтілуі мүмкін

Жамбыл облысында қыз алып қашпақ болған тұрғын үш жылға сотталды

Қызды әріптесі қорғамақ болып, пышақ жарақатын алған

Фото: ашық дереккөзден

Жамбылда сүйктісін күштеп қалыңдық еткісі келген азамат қамауға алынды, деп хабарлайды Azattyq Rýhy  тілшісі ktk.kz-ке сілтеме жасап.

Шу қаласының 30 жастағы тұрғыны өзі ұнататын қызға үйленбекші болған. Алайда 20 жастағы бойжеткен оған тұрмысқа шығудан бас тартыпты. Бұған намыстанған ер азамат қыздың жұмысына келіп, оны алып қашуға әрекет жасады. Альбина есікті іштен іліп алып, ашпай қойған. Ашуланған азамат қолындағы пышақпен құлыпты бұзбақ болады. Сән салонындағы айқайға бойжеткеннің әріптестері араласып, қызба жігітті сабасына түсіргісі келді. Алайда ол дауға араша түскендердің біріне пышақ сұғып алған. Денесіне өткір зат кірген азамат ауруханаға жеткізілгеннен кейін, жанжал шыққан жерге полицейлер келіп, 30 жастағы күдіктініні қамап тастаған. Енді бақыт құсын қолына қондыра алмаған жігіт кемі  үш жылын түрмеде өткізуі мүмкін.  

«Қызды әріптесі қорғамақшы болған. Нәтижесінде кеуде тұсынан пышақ жарақатын алған. Күдікті кінәсін мойындап, оған күзетпен бұлтартпау шарасы тағайындалды», деді Жамбыл облыстық ПД баспасөз хатшысы Гүлсара Мұхтарқұлова.