Еліміздің бірнеше облысында ауа райына байланысты ескерту жарияланды

5 қараша күні ауа райының бұзылуына байланысты бірнеше өңірде ескерту жарияланды. Бұл туралы «Қазгидромет» РМК баспасөз қызметі хабарлады.

Түркістан облысының кей жерлерінде солтүстік-шығыстан соғатын желдің күші 15-20 м/с күшейеді. 

Жамбыл облысында солтүстік-шығыстан соғатын жел оңтүстік-батысқа ауысып, күші 15-20 м/с артады. Кей жерлерде тұман түседі. 

Ақмола, Қостанай және Қарағанды облыстарының кей жерлерінде тұман түсуі мүмкін. 

Солтүстік Қазақстан облысында түнде және таңертең тұман түседі. Батыстан, оңтүстік-батыстан соққан желдің күші кей жерлерде 15-20 м/с дейін жетеді.