«Жалағаш – Жосалы» жолының сапасы сын көтермейді

«Жол активтері ұлттық сапа орталығы» РМК бас директоры Замир Сағынов Қызылорда облысына барып, облыста орташа жөндеуден өткен жергілікті жолдардың сапасымен танысты.

Орталық мамандары «Жалағаш – Жосалы» жолының учаскесінде асфальт-бетон жабынында жарықтар, шұңқырлар пайда болғанын және жол қалыңдығының талапқа сай еместігін анықтады. Аталған жол учаскесіндегі орташа жөндеу жұмыстары 2018 жылдан бастап жүргізілген.

Тапсырыс беруші – «Қызылорда облысы жолаушылар көлігі және автомобиль жолдары басқармасы» ММ, мердігер – «KAISON Construction» ЖШС.

Осыған дейін орталық филиалының қызметкерлері аталған нысанға тексеріс жұмыстарын өткізу мақсатымен 10 рет барып, жол-құрылыс материалдарының 60-тан астам сынама үлгілерін алған. Олардың 23-і тығыздық коэффициентіне сәйкес келмейді.

Тексеру барысында анықталған фактілер бойынша тапсырыс берушіге, мердігерге және уәкілетті органдарға хат жолданды.