Бір тәулікте пневмониядан 5 адам көз жұмды
1 тамыздан бері коронавирустық пневмониядан 387 адам қайтыс болды
2020 жылғы 20 қазанындағы жағдай бойынша COVID-19 белгілері бар пневмониямен сырқаттанушылар жөніндегі дерек шықты, деп хабарлайды Azattyq Rýhy.
Өткен тәулікте 15 адамнан пневмония анықталып, 5 жағдай өліммен аяқталды. Бір тәулік ішінде 16 адам жазылып шыққан.
Осы жылдың 1 тамызынан бастап 35 980 адамнан пневмония анықталса, оның 28 239 -ы індетінен сауығып шықты. 387 адам көз жұмды. Бұл туралы COVID-19 таралуына жол бермеу жөніндегі ВАК мәлімдеді.
Коронавирустық инфекциямен ауырғандарға қатысты ақпарат:
Қазіргі уақытта коронавирустық инфекциядан 2 679 адам ем қабылдауды жалғастыруда. Олардың арасында 125 өскіншек бала бар. Стационарларда 2 199 науқас жатыр. 480 адам амбулаториялық жағдайда емделуде.
Жалпы науқастардың арасында 83 адамның халі нашар. Соның ішінде 12 науқастың жағдайы аса қатты ауыр деп бағалануда. 8 науқас өкпені жасанды желдету аппаратында жатыр.
