Коронавирус жағдайында балаларға онлайн-форматтағы бейне-сабақтар іске қосылды
Оқушылар madeni-m.kz сайтынан бұл бейне-сабақтарды таба алады
ҚР Мәдениет және спорт министрлігі «Ұлағатты ұрпақ» мәдени-білім беру жобасын іске қосты. Жоба 1-11 сынып оқушылары үшін әзірленген және ұзақтығы 10-15 минуттан аспайтын онлайн-форматтағы қысқа бейне-сабақтарды қамтиды. Бұл туралы ҚР Мәдениет және спорт министрі Ақтоты Райымқұлова мәлімдеді, деп хабарлайды Azattyq Rýhy тілшісі.
«Балалар үйден шықпай-ақ Қазақстанның киелі жерлеріне виртуалды турлар жасай алады. Опера, балет, драма өнерінің үздік үлгілерін, қазақстандық және шетелдік қызықты кинофильмдер мен мультфильмдерді көріп, таңғажайып музыкалық туындылардың дыбысын тыңдай алады», - деді министр.
Айта кетерлігі, оқушыларға madeni-m.kz сайтында қазақ және орыс тілдерінде музыкалық өнер, театр өнері, кинематография, бейнелеу өнері және қасиетті Қазақстан атты 5 бағыт бойынша бейне-сабақтар қолжетімді.
Сымбат Ғалымжан, Нұр-Сұлтан
