Бір тәулікте 159 адам пневмония жұқтырған

Елімізде өткен тәулікте COVID-19 белгілері бар пневмониямен сырқаттанған тағы 159 адам тіркелді, 1 жағдай өліммен аяқталды. Бір тәулік ішінде 82 адам жазылып шыққан, деп хабарлайды Azattyq Rýhy. 

Осы жылдың 1 тамызынан бері 35 393 адам пневмониямен ауырса, оның 28 060-ы емделіп шыққан. Аталған індеттен 374 адам қайтыс болды. 

Ал коронавирустық инфекциядан қазіргі уақытта 2 789 адам ем қабылдауды жалғастыруда. Олардың арасында 99 өскіншек бала бар. Стационарларда 2 055 науқас жатыр. 734 адам амбулаториялық жағдайда емделуде.

Жалпы, науқастардың арасында 82 адамның халі нашар. Соның ішінде 14 науқастың жағдайы аса қатты ауыр деп бағалануда. 11 науқас өкпені жасанды желдету аппаратында жатыр.