Астанада карантинге қарамастан клиенттерге кальян ұсынған лаундж-бар анықталды
Бұл орынның әкімшісі бұдан бұрын да заңды бұзған
Елорданың полиция қызметкерлері карантин талаптарын бұзған көңіл көтеретін орындардың бірінің әкімшісін жауапқа тартты, деп хабарлайды Azattyq Rýhy тілшісі қалалық полиция департаментінің баспасөз қызметіне сілтеме жасап.
«Сағат 21.00-де «Учаске» жедел-іздестіру шаралары барысында «Алматы» ауданының полиция басқармасының жергілікті полиция қызметкерлері Сәтпаев көшесіндегі «Шишка» атты көңіл көтеретін орында Әкімшілік кодекстің 441-бабы бойынша заңның бұзылғанын анықтады. Атап айтқанда, бұл орынның әкімшісі клиенттерге кальян қоспасын берген», - деп жазылған ақпаратта.
Бұл орынның әкімшісінің бұдан бұрын да клиенттерге кальян беріп, ұсталған, яғни, Әкімшілік кодекстің 441-бабы бойынша әкімшілік жауапқа бірнеше рет тартылған. Бірнеше рет заң бұзған оған 25 АЕК айыппұл салынды.
