Қазақстанның алты облысында ауа райына байланысты ескерту жарияланды

11 қазанда Қазақстанның алты облысында ауа райына байланысты ескерту жарияланды, деп хабарлайды Azattyq Rýhy тілшісі Қазгидрометке сілтеме жасап.

Түркістан облысында солтүстік-шығыстан секундына 15-20 метр жылдамдықпен жел соғады. Түнде кей жерлерде 2 градусқа дейін үсік жүреді.

Маңғыстау облысында шаңды дауыл соғады. Оңтүстік-шығыстан соғатын желдің жылдамдығы секундына 15-20 метрге дейін жетеді. 

11 қазанда Қызылорда облысында 3 градусқа дейін үсік жүреді. 

Ақмола облысында солтүстік-батыстан соғатын желдің жылдамдығы кей жерлерде 15-20 м/с-ке жетеді. 

Қарағанды облысында солтүстік-батыстан соғатын желдің жылдамдығы секундына 15-20 метрге дейін барады.

Жамбыл облысында тұман түседі, солтүстік-батыстан соғатын желдің жылдамдығы секундына 15-20 метрге дейін жетеді. 3 градусқа дейін үсік жүреді.