Еліміздің 5 облысында ауа райына байланысты ескерту жарияланды

Республиканың бес облысының аумағында және Шымкент қаласында ауа райының қолайсыздығына байланысты ескерту жарияланды. Бұл туралы «Қазгидромет» РМК баспасөз қызметі хабарлады.

10 қазан күні түнде Шымкентте топырақ бетінде 2 градус үсік жүреді.

Түркістан облысының кей аумағында солтүстік-шығыстан соғатын желдің күші 15-20, күндіз екпіні 23 м/с болады. Түнде кей жерлерде 3 градус үсік жүреді. Түркістан қаласында күндіз солтүстік-шығыстан екпіні 15-20 м/с болатын жел күшейеді. Түнде 1-3 градус үсік болады.

Қызылорда облысының кей жерлерінде 3 градус суық болады. Солтүстік-шығыстан жел соғады, күші күндіз кей жерлерде 15-20 м/с жетеді.

Маңғыстау облысының кей аумағында шаңды дауыл соғады. Оңтүстік-шығыстан соққан желдің жылдамдығы секундына 15-20 м/с жетеді.   

Қарағанды облысының кей жерлерінде түнде және таңертең тұман түсуі мүмкін. Қарағанды қаласында түнде және таңертең тұман түседі.

Ақмола облысында батыстан, оңтүстік-батыстан жел соғады, кей тұста жел күші 15-18 м/с жетеді.